O Peugeot regresou da súa viaxe a Burela con tres puntos, que poñen máis preto a permanencia na Autonómica.
Comezaron os vilalbeses algo durmidos, e nun despiste defensivo chegou o gol dos locais ao pouco de comezar. Os visitantes irían collendo o ritmo do encontro, e as ocasións ían chegando. Sería Ati nun balón no segundo pau o que lograría o empate.
Na segunda metade, o Peugeot aproveitou as xogadas rápidas para crear boas ocasións, e Piña en dúas ocasións e novamente Ati, sentenciarían o encontro. O Burela recortaría distancias, quedando o marcador co definitivo 2 a 4.
A seguinte xornada os vilalbeses reciben ao C.P. Casás no Municipal de Vilalba.
Burela Turística 2: Zapa, Javi Celes (1), Javi Moucide (1), Palmeiro e Pardeiro, -cinco inicial-, Ramón, Lucas, Adrián, e Juchi.
Peugeot Vilalba F.S. 4: Agus, Aitor, Ati (2), Pequecho, e Piña (2)-cinco inicial-, Alex, Jose, Nico, Paulo, Roberto, e Sergio.
No hay comentarios:
Publicar un comentario